hisār-e-jism mirā toḌ-phoḌ Dālegā
zarūr koī mujhe qaid se chhuḌā legā
banā ke jis ne mujhe shāhkār pesh kiyā
hazār ḳhāmiyāñ mujh meñ vahī nikālegā
maiñ apnī jaan hathelī pe rakh ke chaltā huuñ
koī bahut se bahut mujh se aur kyā legā
ruke hue haiñ ka.ī kārvāñ lab-e-dariyā
ki jaise aage koī rāsta nikālegā
ik ajnabī ke lahū par thā sab kā haq 'rāhī'
sunā hai shahr kā har shaḳhs ḳhūñ-bahā legā