ishq kā bhī qabīl hotā hai
dard dil kā kafīl hotā hai
yaad aayā na kar namāzoñ meñ
merā sajda tavīl hotā hai
be-vafāoñ ke zikr meñ terā
tazkira bar-sabīl hotā hai
arsa-e-zīst tum zarā socho
haa.e kitnā tavīl hotā hai
ai shab-e-ġham har ek pal terā
mujh ko sadiyāñ masīl hotā hai
ashk jo ishq ne bahāyā vo
āshiqoñ kā vakīl hotā hai
tanhā be-chāra sā ye merā dil
tere bin ab aliil hotā hai