dekh kar sham.a ke āġhosh meñ parvāne ko
dil ne bhī chheḌ diyā shauq ke afsāne ko
zarre zarre se gulistāñ meñ barastī hai bahār
kaun aise meñ sambhāle tire dīvāne ko
tuur ne jis se hayāt-e-abadī paa.ī hai
laao dohrā.ūñ maiñ phir se isī afsāne ko
dil-e-sarshār mirā chashm-e-siyah-mast tirī
jazba Takrā de na paimāne se paimāne ko
sub.h ko dekh le is sham.a kā anjām koī
jis ne phūñkā shab-e-ummīd meñ parvāne ko