Daood Mohsin

zohar-e-ashiqi se Darta hun

Daood Mohsin

Davanagere, Karnataka, India

1962

zohar-e-āshiqī se Dartā huuñ

husn barhamī se Dartā huuñ

maiñ ne Daalī kamand sūraj par

phir bhī maiñ raushnī se Dartā huuñ

aa basā huuñ galī meñ chīḳhoñ

is liye ḳhāmushī se Dartā huuñ

masḳh pahchān ho na jaa.e kahīñ

be-amal zindagī se Dartā huuñ

kuchh safā.ī meñ apnī kahnā hai

par tirī munsifī se Dartā huuñ

ḳhaar ko ḳhaar gul ko gul kah duuñ

maiñ kahāñ kab kisī se Dartā huuñ

apnī tanhā.ī ḳhuub hai 'mohsin'

bazm be-ruḳhī se Dartā huuñ

Top Urdushayar.com