hijr se vasl is qadar bhārī
sub.h se dil pe haul hai taarī
apnī uftād-e-tab.a kyā kahiye!
vahī derīna dil kī bīmārī
un ke chehre pe fat.h ke bā-vasf
infi.āl-e-shikast hai taarī
dil ka.ī roz se dhaḌaktā hai
hai kisī hādse kī tayyārī
ba.az auqāt azm-e-tark-e-vafā
ain min-jumla-e-vafādārī
un ko taklīf-e-nāz detā huuñ
haa.e ye ḳhū-e-dost-āzārī
jān-levā sahī jarāhat-e-ishq
aql kā zaḳhm hai bahut kaarī
kaash mujh ko hisār meñ le le
mere ghar kī chahār-dīvārī