nazar se duur ufuq se pare uḌaan meñ the
ḳhudā hī jaane ki vo log kis jahān meñ the
falak kī samt uThā.e hue nigāheñ log
judā judā kisī ma.abūd ke gumān meñ the
samajhne vaale samajhte haiñ is haqīqat ko
sahīfe jitne bhī utre hamārī shaan meñ the
ye rañg rañg manāzir ye rañg rañg ke log
tamām raat kisī ḳhvāb ke makān meñ the
bas apne aap ko paayā to kāmyāb hue
magar batā nahīñ sakte kis imtihān meñ the