kisī kā chehra kisī par sajā nahīñ detā
kabhī fareb koī aa.ina nahīñ detā
hasad kā rañg pasandīda rañg hai sab kā
yahāñ kisī ko koī ab duā nahīñ detā
ik e'timād thā baaqī so uTh gayā vo bhī
ki bhaa.ī bhaa.ī ke ghar kā patā nahīñ detā
bujhā.e jab se hamāre charāg logoñ ne
koī daraḳht hameñ ab havā nahīñ detā
hameñ ḳhudā pe bharosa hai nā-ḳhudā pe nahīñ
ḳhudā jo detā hai vo nā-ḳhudā nahīñ detā