terī āñkhoñ pe ghane ḳhvāboñ kā pahra huuñ maiñ

is ta.alluq se hī kis darja sunahrā huuñ maiñ

log kyuuñ ghuur ke sachchā.ī mujhe dekhte haiñ

aisā lagtā hai ki jaise tirā chehra huuñ maiñ

ḳhud ko kho doge mirī tah talak aate aate

lafz huuñ lafz samundar se bhī gahrā huuñ maiñ

tū udhar ḳhat mirā paḌhtī hai to lagtā hai mujhe

terī āñkhoñ ke hasīñ shahr meñ Thahrā huuñ maiñ

ek patthar huuñ agar tujh se kahīñ duur huuñ

tujh se chhū jā.ūñ to sad-ḳhushbū kā lahrā huuñ maiñ