Muzaffar Warsi

patthar mujhe sharminda-e-guftar na kar de

Muzaffar Warsi

Meerut, Uttar pradesh, India

1933-2011

patthar mujhe sharminda-e-guftār na kar de

ūñchā mirī āvāz ko dīvār na kar de

majbūr-e-suḳhan kartā hai kyuuñ mujh ko zamāna

lahja mire jazbāt iz.hār na kar de

zanjīr samajh kar mujhe toḌā to hai ne

ab tujh ko pareshāñ mirī jhankār na kar de

chaltā huuñ to paḌte haiñ qadam mere havā par

Dartā huuñ havā chalne se inkār na kar de

rah jā.ūñ na maiñ apne qadmoñ se kuchal kar

pāmāl mujhe ḳhud mirī raftār na kar de

maiñ ḳhud ko miTā kar tirā shahkār banā huuñ

nīlām mujhe sar-e-bāzār na kar de

har saañs na.e zaḳhm lagātī hai 'muzaffar'

TukḌe mire ik roz ye talvār na kar de

Top Urdushayar.com