bāñdhte shā.erī meñ ho til ko
kyā koī raas aa gayā dil ko
jāntī haiñ ki ab vidā.ī hai
kashtiyāñ chūmtī haiñ sāhil ko
kaam sab ho ga.e mire āsāñ
kaun samjhegā merī mushkil ko
paañv meñ aañkh to nahīñ phir bhī
dekhte haiñ qadam ye manzil ko
shaam hai maiñ huuñ band kamra hai
DhūñDhte haiñ charāg mahfil ko
ġham se ik umr ke marāsim haiñ
toḌ duuñ kaise maiñ salāsil ko
dekh kar ro paḌā mirī hālat
kaun sā ġham hai mere qātil ko