maiñ mutma.in na thā kirdār se kahānī meñ

so apnī umr guzarne dī rā.egānī meñ

bilād-e-hāl sajāyā hai kū-e-rafta meñ

maiñ apne pesh-ravoñ kī huuñ tarjumānī meñ

ye kyā ki baiThā hai dariyā kinār-e-dariyā par

maiñ aaj bahtā huā jā rahā huuñ paanī meñ

haañ āḳhirash abad-e-ishtirāk-e-ḳhāk milā

go ham rahe safar-e-āsmān-e-fānī meñ

ye sher-e-zar suḳhan-e-be-asar kī marqad hai

so kaise soz ujāgar ho naġhma-ḳhvānī meñ