lutf se tere sivā dard mahak jaatā hai
ye vo sho.ala hai bujhāo to bhaḌak jaatā hai
ik zamāne ko rakhā tere ta.alluq se aziiz
silsila dil kā bahut duur talak jaatā hai
tum mire saath chale ho to mire saath raho
ki musāfir sar-e-manzil bhī bhaTak jaatā hai
ham to vo haiñ tire va.ade pe bhī jī sakte haiñ
ġhuncha paiġhām-e-sabā se bhī chaTak jaatā hai
mastī-e-shauq sambhalne nahīñ detī 'ishqī'
jaam lab tak nahīñ aatā ki chhalak jaatā hai