na raas aayā mohabbat kā ye ḳhumār mujhe

maiñ be-qarār huuñ pal bhar nahīñ qarār mujhe

pukārtā thā mujhe pyaar se jo bū-e-gulāb

usī ne kāñToñ kā pahnā diyā hai haar mujhe

jo mere pyaar ko Thukrā ke ho gayā anjān

kyuuñ apnī yaad dilātā hai baar baar mujhe

dilā rahā hai mohabbat kā phir yaqīñ mujh ko

chalā gayā jo mohabbat meñ kar ke ḳhaar mujhe

na kar sakūñgī maiñ 'ḳhanda' ab e'tibār us kā

pata hai kiyā hai mohabbat kā kārobār mujhe