mirā dil mubtalā hai jhāñvalī kā
tarī añkhiyāñ salonī sāñvlī kā
gayā tan suukh añkhiyāñ tar haiñ ġham siiñ
huā huuñ shaah ḳhushkī o tarī kā
jabhī tū paan khā kar muskurāyā
tabhī dil khil gayā gul kī kalī kā
kahtā huuñ vasf dandāñ-o-misī ke
mazā letā hoñ ab tal-chāvlī kā
nahīñ hai reḳhte ke bahr kā paar
samajh mat sher us kuuñ pārsī kā
jo rū paao to dil merā dikhāo
sunā hai shoḳh ḳhvāhāñ ārasī kā
mujhe kahte haiñ 'yakrū' sab mohibbāñ
ki banda jaañ siiñ huuñ hazrat-'alī' kā