kal shab dil-e-āvāra ko siine se nikālā

ye āḳhirī kāfir bhī madīne se nikālā

ye fauj nikaltī thī kahāñ ḳhāna-e-dil se

yādoñ ko nihāyat hī qarīne se nikālā

maiñ ḳhuun bahā kar bhī huā baaġh meñ rusvā

us gul ne magar kaam pasīne se nikālā

Thahre haiñ zar-o-sīm ke haqdār tamāshā.ī

aur mār-e-siyah ham ne dafīne se nikālā

ye soch ke sāhil pe safar ḳhatm na ho jaa.e

bāhar na kabhī paañv safīne se nikālā