un kā jalva nahīñ dekhā jaatā
dekh dekhā nahīñ dekhā jaatā
qatl karne kī vo jaldī thī tumheñ
ab taḌapnā nahīñ dekhā jaatā
chashm-e-ḳhūñ-bār ḳhudā rahm kare
terā ronā nahīñ dekhā jaatā
ulfat unkī nahīñ chhoḌī jaatī
haal dil kā nahīñ dekhā jaatā
dekhne hī ke liye haiñ āñkheñ
un se kyā kyā nahīñ dekhā jaatā
par tirī barq-e-tajallī kā jamāl
ḳhuub dekhā nahīñ dekhā jaatā
naama puurā vo 'hasan' kyā dekheñ
naam puurā nahīñ dekhā jaatā