aap ne haath rakkhā mire haat par

phir gayā saarā ilzām barsāt par

aag sāvan ne saarī lagā.ī yahāñ

tars khaa.ī na kuchh us ne hālāt par

vo mirā imtihāñ leñge hargiz nahīñ

jaan de deñge ham un kī ik baat par

mehrbāñ vo hue jab ghaḌī do ghaḌī

ham ne ġhazleñ kahīñ chāñdnī-rāt par

jiit kar bhī use is qadar rañj hai

vo pashemān kyuuñ hai mirī maat par

barf kī vādiyoñ meñ vo milnā tirā

ye ġhazal nazr hai us mulāqāt par