aah maiñ be-qarār kis kā huuñ
kushta-e-intizār kis kā huuñ
tiir sā dil meñ kuchh khaTaktā hai
dekhiyo maiñ shikār kis kā huuñ
dil hai yā maiñ huuñ maiñ huuñ yā dil hai
aur ab ham-kanār kis kā huuñ
chain aatā nahīñ mujhe yaaro
dil-e-pur-iztirār kis kā huuñ
chaak hai misl-e-gul tamām badan
yā rab itnā figār kis kā huuñ
'soz' maiñ jo kahā kahāñ thā yaar
bolā chal be maiñ yaar kis kā huuñ