kahīñ kho na jaanā zarā duur chal ke
musāfir tirī taak meñ haiñ dhundalke
mirā niiñd se aaj jhagḌā huā hai
so lete haiñ donoñ hī karvaT badal ke
isī Dar se chaltā hai sāhil kināre
kahīñ gir na jaa.e nadī meñ phisal ke
ajab bojh palkoñ pe din bhar rahā hai
agarche tire ḳhvāb the halke halke
jatāte rahe ham safar meñ haiñ lekin
bhaTakte rahe apne ghar se nikal ke
añdhere meñ mub.ham huā har nazāra
milī ek duuje meñ har shai pighal ke
zamāne se saare sharar chun le 'ātish'
yahī to anāsir haiñ terī ġhazal ke