vo lauT aa.ī hai office se hijr ḳhatm huā
hamāre gaal pe ik kis se hijr ḳhatm huā
phir ek aag lagī jis meñ vasl kī thī chamak
ḳhayāl-e-yār kī māchis se hijr ḳhatm huā
thā bazm-e-duniyā meñ mushkil hamārā milnā so
nikal ke aa ga.e majlis se hijr ḳhatm huā
bhalī sharāb hai ye vasl naam hai us kā
bas ek jaam piyā jis se hijr ḳhatm huā
tumhāre hijr meñ sau vasl se guzar kar bhī
ye sochtā huuñ kahāñ kis se hijr ḳhatm huā