vahāñ shāyad koī baiThā huā hai
abhī khiḌkī meñ ik jaltā diyā hai
mirā dil bhī ajab ḳhālī viyā hai
kisī kī yaad ne jis ko bharā hai
parinde shāḳh se lipTe hue haiñ
ye kaisā ḳhauf ḳhema-zan huā hai
mirī ḳhāmoshiyoñ kī jhiil meñ phir
kisī āvāz kā patthar girā hai
mohabbat kā muqaddar dekhte ho
havā ne kuchh to paanī par likhā hai
usī par khul rahe haiñ saare mausam
jo apne ghar se bāhar aa gayā hai
charāġho ab zarā apnī sunāo
havā kā kaam puurā ho chukā hai
mohabbat phir vahīñ le aa.ī 'ādil'
ye jañgal bār-hā dekhā huā hai