āñchal jo Dhalaktā hai un kā kabhī shānoñ se

paa.el kī sadā aa kar Takrātī hai kānoñ se

apnī hī halākat kā baa.is hue jaate haiñ

jo tiir nikalte haiñ aaj apnī kamānoñ se

ham ne rah-e-ulfat meñ aa kar yahī sīkhā hai

manzil kā pata lenā qadmoñ ke nishānoñ se

ik baar bhī jo sunñā ham ko na gavārā thā

sau baar sunā ham ne duniyā kī zabānoñ se

jis ne kabhī duniyā kī parvā hī nahīñ kī thī

vo 'nāz' se miltā hai ab laakh bahānoñ se