nāgin hai zulf-e-yār na zinhār dekhnā
uḌ uḌ ke kāTtī hai ḳhabar-dār dekhnā
kahte haiñ log mujh se ye khā khā ke ab qasam
ḳhuñḳhār hai ye shoḳh sitamgār dekhnā
shīrīñ dahan na būjhiyo haiñ shahd kī chhurī
hañs hañs ke jaan leñ haiñ ye atvār dekhnā
kahtā huuñ dar javāb unhoñ ke meñ rū-ba-rū
chāho so ho par mujhe ik baar dekhnā
qaabū meñ aatā to nahīñ hai mire raqīb
kahīñ daad ban gayā to mere yaar dekhnā
shāna samajh ke kījiyo zulfoñ ko apnī yaar
uljhā hai us meñ dil ye giraftār dekhnā
dil ḳhush huā kahīñ to phir apnā ye hai shi.ār
jā kar ke baaġh meñ gul-o-gulzār dekhnā
apnī nazar to 'nayan' ḳhudā par hai ho so ho
jo aan baaz khaa.e so lāchār dekhnā