mehrbānī hai ayādat ko jo aate haiñ magar
kis tarah un se hamārā haal dekhā jā.egā
daftar-e-duniyā ulaT jā.egā bātil yak-qalam
zarra zarra sab kā aslī haal dekhā jā.egā
official a.amāl-nāma kī na hogī kuchh sanad
hashr meñ to nāma-e-a.amāl dekhā jā.egā
bach rahe tā.ūn se to ahl-e-ġhaflat bol uThe
ab to mohlat hai phir agle saal dekhā jā.egā
tah karo sāhab nasb-nāmī vo vaqt aayā hai ab
be-asar hogī sharāfat maal dekhā jā.egā
rakh qadam sābit na chhoḌ 'akbar' sirāt-e-mustaqīm
ḳhair chal jaane de un kī chaal dekhā jā.egā