pahle hī din khulā ye javāb-o-savāl meñ
kuchh husn us ke dil meñ hai kuchh ḳhadd-o-ḳhāl meñ
sailāb-e-shauq merā tavāzun to le gayā
lekin vo ḳhush-mizāj rahā e'tidāl meñ
jismoñ se māvarā bhī haqā.eq bahut se haiñ
paa.ī hai dil ne raushnī shām-e-visāl meñ
aa.ī hai bārhā tire aane se pesh-tar
pāzeb kī chhanak mere kunj-e-ḳhayāl meñ
tujh se milā na thā to yahī sochtā thā maiñ
insān ḳhud-kafīl nahīñ hai jamāl meñ