ta.alluqāt chaTaḳhte haiñ TuuT jaate haiñ

jab ham ḳhulūs-o-mohabbat ko āzmāte haiñ

ḳhushī kā ek nayā zāviya ubhartā hai

ham apne bachchoñ se jis vaqt haar jaate haiñ

shaġhaf hai ḳhuub rivāyāt-e-raftagāñ se magar

ham ahd-e-nau ke tarāne bhī gungunāte haiñ

udaas shab bhī amāvas kī muskurātī hai

jo qumqume se nigāhoñ meñ jagmagāte haiñ

hamāre biich jo dīvār uTh rahī hai 'shifā'

chalo ki mil ke use aaj ham girāte haiñ