ġhurūr-e-pās-e-rivāyat badal ke rakh dūñgā

maiñ raftagāñ kī sharī.at badal ke rakh dūñgā

gadā-e-ilm huuñ niklā to phir qarīne se

tumhārā tarz-e-tarīqat badal ke rakh dūñgā

salāh-e-dost sharāfat se maan le varna

maiñ ye libās-e-sharāfat badal ke rakh dūñgā

jo ahd-e-rafta se jā.ūñgā raftagāñ kī taraf

to phir sukūn se vahshat badal ke rakh dūñgā

maiñ is zamīn se jis roz uTh gayā 'aḳhtar'

to āsmān kī hālat badal ke rakh dūñgā