sahā umr bhar par jatāyā nahīñ
tirā zaḳhm ham ne dikhāyā nahīñ
azal se khaḌe haiñ vafā.eñ liye
kisī ne hameñ āzmāyā nahīñ
milā sāf-goī kā ham ko sila
gale se kisī ne lagāyā nahīñ
hamārā hī dukh hai uThā.eñge ham
hai ye bojh apnā parāyā nahīñ
safar zindagī kā rahā is tarah
kaḌī dhuup thī aur saaya nahīñ
jhukā hai to bas bandagī meñ tirī
kahīñ aur sar ye jhukāyā nahīñ
bahut bhā rahī hai na ulfat tumheñ
ye dhokā abhī tum ne khāyā nahīñ
yuuñ 'vāhid' to itnā burā bhī na thā
tujhe zindagī ne nibhāyā nahīñ