Khursheed Alig

ye na samjho ghubar hain hum log

Khursheed Alig

Patna, Bihar, India

1956

ye na samjho ġhubār haiñ ham log

ḳhushbuoñ qatār haiñ ham log

log ham ko ḳhizāñ samajhte haiñ

jab ki taaza bahār haiñ ham log

ye sharāfat nahīñ to phir kyā hai

dushmanoñ par nisār haiñ ham log

vo bhī kāñToñ se kam nahīñ haiñ kuchh

jin nazroñ meñ ḳhaar haiñ ham log

thoḌā ham se bhī pyaar kar liije

qābil-e-e'tibār haiñ ham log

apnī hālat sañvar nahīñ saktī

buzdilī shikār haiñ ham log

aaj momin haiñ mā.il-e-pastī

is ke ḳhud zimmedār haiñ ham log

the kabhī tājdār ab 'ḳhurshīd'

dāman-e-tār-tār haiñ ham log

Top Urdushayar.com