hazār chāhā lagā.eñ kisī se dil lekin

bichhaḌ ke tujh se tire shahr meñ rahā na gayā

kabhī ye soch ke ro.e ki mil sake taskīñ

magar jo rone pe aa.e to phir hañsā na gayā

kabhī to bhuul ga.e pī ke naam tak un kā

kabhī vo yaad jo aa.e to phir piyā na gayā

sunāyā karte the dil ko hikāyat-e-daurāñ

magar jo dil ne kahā ham se vo sunā na gayā

samajh meñ aane lagā jab fasāna-e-hastī

kisī se hāl-e-dil-e-zār phir kahā na gayā