ye shabnam phuul taare chāñdnī meñ aks kis kā hai
sunahrī dhuup chhāñv raushnī meñ aks kis kā hai
ye Dhaltī shaam ye qaus-e-quzah kī rañg-āmezī
ye niile āsmāñ kī dilkashī meñ aks kis kā hai
suhānī shab liye āġhosh meñ ḳhvāboñ kī pariyoñ ko
chamakte din kī is afsūñ-garī meñ aks kis kā hai
anā kī sar-kashī ummīd-e-armāñ ḳhvāb kī duniyā
dhaḌakte dil fusūn-e-zindagī meñ aks kis kā hai
ye 'sayyad' ḳhvāb se tarshe hue nāzuk hasīñ paikar
nuqūsh-e-rashk-e-sehr-e-sāmrī meñ aks kis kā hai