kahīñ to hogī mulāqāt ai chaman-ārā
ki maiñ bhī huuñ tirī ḳhushbū kī tarah āvārā
hazār aib kamā.e haiñ ek ḳhūbī se
jo ab ho maiñ so huuñ apne mizāj kā maarā
huā na tiis bahāroñ meñ ek baar hameñ
ye ishtiyāq ki aa.e bahār dobārā
baġhair markaz-e-ummīd-o-be-sukūn-e-darūñ
maiñ ik ḳhalā huuñ jo sābit bane na sayyārā
hai ek shahr meñ aur muddatoñ nahīñ miltā
vo shaḳhs jis ko rakhā ham ne jaan se pyārā