vo mire dil kī raushnī vo mire daaġh le ga.ī
aisī chalī havā-e-shām saare charāġh le ga.ī
shāḳh o gul o samar kī baat kaun kare ki ek raat
bād-e-shimāl aa.ī thī baaġh kā baaġh le ga.ī
vaqt kī mauj tund-rau aa.ī thī sū-e-mai-kada
merī sharāb pheñk kar mere ayāġh le ga.ī
dil kā hisāb kyā kareñ dil to usī kā maal thā
nik.hat-e-zulf-e-ambarīñ ab ke dimāġh le ga.ī
baaġh thā us meñ hauz thā hauz thā us meñ phuul thā
ġhair kī be-basīratī mujh se surāġh le ga.ī