ḳhud ḳhamoshī ke hisāroñ meñ rahe

raat bhar charche sitāroñ meñ rahe

thī zamīn-e-gul nazar ke sāmne

jāda-paimā reg-zāroñ meñ rahe

ho ga.e haiñ kitne manzil-āshnā

kitne rah-rau rahguzāroñ meñ rahe

ho ga.iiñ ġharqāb kitnī bastiyāñ

kitne tūfāñ jo.ebāroñ meñ rahe

zulmat-e-shab paas aa saktī nahīñ

muddatoñ ham māh-pāroñ meñ rahe

hai ḳhizāñ kī dhuul kī tan par taheñ

ham rahe to nau-bahāroñ meñ rahe