fazā meñ jab bhī bikharte haiñ rañg mausam ke
tumhāre aks se lagte haiñ rañg mausam ke
ye aur baat kī tum ne kabhī nahīñ dekhā
mirī palak pe Thaharte haiñ rañg mausam ke
tumhārī yaad ke paikar meñ Dhalne lagte hai
nazar meñ jab bhī ubharte haiñ rañg mausam ke
har ek chehre pe ḳhushiyāñ bikher dete haiñ
zamīñ pe jab bhī utarte haiñ rañg mausam ke
kiyā hai ham ne bhī mahsūs 'jyotī' har lamha
tumhāre dil meñ machalte haiñ rañg mausam ke