maiñ apne ḳhvāb se bichhḌā nazar nahīñ aatā

to is sadī meñ akelā nazar nahīñ aatā

ajab dabāo hai un bāharī havāoñ kā

gharoñ kā bojh bhī uThtā nazar nahīñ aatā

maiñ terī raah se ha.Tne ko haT gayā lekin

mujhe to koī bhī rasta nazar nahīñ aatā

maiñ ik sadā pe hamesha ko ghar to chhoḌ aayā

magar pukārne vaalā nazar nahīñ aatā

dhuāñ bharā hai yahāñ to sabhī kī āñkhoñ meñ

kisī ko ghar mirā jaltā nazar nahīñ aatā

ġhazal-sarā.ī kā da.avā to sab kare haiñ 'vasīm'

magar vo 'mīr' sā lahja nazar nahīñ aatā