is tarah pahuñchegā kaise pāya-e-takmīl ko

āḳhirī kahtā hai kyuuñ tābūt kī har kiil ko

ḳhud zarūrat-mand hai rotā hai ḳhud tarsīl ko

chāhiye paiġhāmbar apne liye jibrīl ko

kab se sotā hai karo bedār mikhail ko

varna kaafī kaam mil jā.egā izrā.īl ko

tū ne go koī kasar chhoḌī nahīñ rabb-e-karīm

kaam ye karnā paḌegā phir bhī isrāfīl ko

shahr ke qānūn din meñ toḌnā āsāñ na thā

raat meñ niklī hai duniyā ilm kī tahsīl ko