lakaḌhāre tumhāre khel ab achchhe nahīñ lagte
hameñ to ye tamāshe sab ke sab achchhe nahīñ lagte
ujāle meñ hameñ sūraj bahut achchhā nahīñ lagtā
sitāre bhī sar-e-dāmān-e-shab achchhe nahīñ lagte
to ye hotā hai ham ghar se nikalnā chhoḌ dete haiñ
kabhī apnī galī ke log jab achchhe nahīñ lagte
ye kah denā ki un se kuchh gila-shikva nahīñ ham ko
magar kuchh log yuuñ hī be-sabab achchhe nahīñ lagte
na raas aa.egī jiine kī adā shāyad kabhī ham ko
kabhī jiinā kabhī jiine ke Dhab achchhe nahīñ lagte