daraḳht kaise baḌhegā agar na paanī de
kisī ko paḌh jo tire sher ko ravānī de
agarche maiñ ne to āb-e-hayāt māñgā hai
jo mai hī denī hai tū ne bahut purānī hai
ba-sad ḳhulūs mujhe zahr de gayā hai vo
ki jis se maiñ ne kahā zindagī suhānī de
jo ek baar anal-haq kī nazr kar de to
hazār baar ḳhudā tujh ko phir javānī de
nigah udaas hai de is ko koī nazzāra
zabāñ jo guñg hai yārab use kahānī de
zamīñ jo bāñjh hai ab us kī god bhī bhar de
jo hoñT suukh rahe haiñ unheñ bhī paanī de