mire log ḳhema-e-sabr meñ mire shahr gard-e-malāl meñ
abhī kitnā vaqt hai ai ḳhudā in udāsiyoñ ke zavāl meñ
kabhī mauj-e-ḳhvāb meñ kho gayā kabhī thak ke ret pe so gayā
yūñhī umr saarī guzār dī faqat ārzū-e-visāl meñ
kahīñ gardishoñ ke bhañvar meñ huuñ kisī chaak par maiñ chaḌhā huā
kahīñ merī ḳhaak jamī huī kisī dasht-e-barf-misāl meñ
ye havā-e-ġham ye fazā-e-nam mujhe ḳhauf hai ki na Daal de
koī parda merī nigāh par koī raḳhna tere jamāl meñ