shukr kī jā hai ki pastī meñ yahīñ tak pahuñche
āsmāñ se jo gire ham to zamīñ tak pahuñche
hai ye taqdīr kī ḳhūbī ki nigāh-e-mushtāq
pardā ban jaa.e agar parda-nashīñ tak pahuñche
jaam o miinā kī qasam hasti-e-sahbā kī qasam
bāda-kash ek hī laġhzish meñ yaqīñ tak pahuñche
aisī taqdīr kahāñ hai ki nasīm-e-kū-e-dost
bhuul kar raah kisī ḳhāk-nashīñ tak pahuñche
kar chukā rū-e-zamīñ kā jo bashar kaam tamām
ye tamannā hai ki ab charḳh-e-barīñ tak pahuñche