vo diye pe thā na havā pe thā
jo yaqīn apne ḳhudā pe thā
koī jism tīroñ ke rehl par
koī dhyān kun kī sadā pe thā
koī jism kahtā thā saañs se
mujhe dukh tire inḳhilā pe thā
merā sher tere laboñ pe thā
ki charāġh dosh-e-havā pe thā
koī ḳhvāb thā koī shaḳhs thā
koī phuul dast-e-hinā pe thā
jise chhoḌ aa.e ho dasht meñ
use maan terī vafā pe thā
maiñ amal se ḳhālī thā is liye
merā zor saarā duā pe thā