nishān qāfla-dar-qāfla rahegā mirā

jahāñ hai gard-e-safar silsila rahegā mirā

mujhe na tū ne mirī zindagī guzārne dī

zamāne tujh se hamesha gila rahegā mirā

siyah diloñ meñ sitāroñ kī fasl ugāne ko

hunar charāġh kī lau se milā rahegā mirā

ujaḌte vaqt se barbād hotī duniyā se

tire sabab se ta.alluq dilā rahegā mirā

na guftugū se ye larzish gumāñ kī jā.egī

agar asaas kā patthar hilā rahegā mirā

ye soch kar kabhī aks us kiran kā utrā thā

is ā.īna meñ sadā dil khilā rahegā mirā

'riyāz' chup se baḌhe aur dukh zarūrat ke

mujhe thā zom ye ghaao silā rahegā mirā