bhuul kar bhī na phir malegā tū
jāntā huuñ yahī karegā tū
dekh aage muhīb khaa.ī hai
lauT aa varna gir paḌegā tū
dil kī taḳhtī pe naam hai terā
yaañ nahīñ to kahāñ rahegā tū
mere āñgan meñ ek paudā hai
phuul ban ke mahak uThegā tū
rāste meñ ka.ī dukāneñ haiñ
har dukāñ par dikhā.ī degā tū
maiñ ne āñkhoñ se jeb bhar lī hai
dekhtā huuñ kahāñ chhapegā tū
ḳhush rakheñgī ye dūriyāñ tujh ko
kyā yuuñ hī muskurā sakegā tū