kaun sā ishq-e-butāñ meñ hameñ sadma na huā
dard-e-furqat na huā ġham na huā kyā na huā
ġhair ne baat to kī baat to pūchhī merī
ḳhair se tum ko to itnā bhī salīqa na huā
mahv-e-hairat haiñ to donoñ haiñ tirī mahfil meñ
ham se pardā huā ā.īñe se pardā na huā
un kī ye ḳhūbī-e-aḳhlāq ki va.ada to kiyā
merī ye shomī-e-taqdīr ki iifā na huā
jazba-e-ishq se ham un ko bulā lete 'rasā'
ye bhī kambaḳht tabī.at ko gavārā na huā