haal dil kā use jatānā kyā
na sune jo use sunānā kyā
aa.e jab aage aise zālim ke
jaur-e-gardūñ se muñh chhupānā kyā
ham se chaltā hai TeḌh kī ai lo
ho gayā hai falak divānā kyā
sarfaroshoñ kī hai ye ain murād
kū-e-qātil meñ jā ke aanā kyā
pūchhte kyā ho maskan-e-āshiq
be-gharoñ kā ajī Thikānā kyā
jān-o-dil le ke ab ḳhafā hai kyuuñ
ham ne kahnā tirā na maanā kyā
dil-e-ḳhud-rafta kā ilaaj kare
koī nādān aur daanā kyā
le ke dil jo ki dushman-e-jāñ ho
'aish' aise se dil lagānā kyā