kahīñ charchā hamārā ho na jaa.e
mohabbat āshkāra ho na jaa.e
kahīñ us kā nazārā ho na jaa.e
ye dil qurbāñ hamārā ho na jaa.e
na dekho tirchhī nazroñ se ḳhudārā
mirā dil paarā paarā ho na jaa.e
na paḌ jaa.eñ jigar ke apne laale
kahīñ us kā ishārā ho na jaa.e
na dekho pyaar kī nazroñ se Dar hai
hamārā dil tumhārā ho na jaa.e
fidā dil zulf-e-shab-gūñ par tumhārī
kahīñ aafat kā maarā ho na jaa.e
tumheñ dil de to de 'tābāñ' ye Dar hai
hamesha ko tumhārā ho na jaa.e