ai ishq tū ne vāqif-e-manzil banā diyā
ab marhaloñ ko aur bhī mushkil banā diyā
allāh-re shauq-e-qais kī jalva-tarāziyāñ
akasr ġhubār-e-dasht ko mahmil banā diyā
maiñ ġharq ho rahā thā ki tūfān-e-ishq ne
ik mauj-e-be-qarār ko sāhil banā diyā
ham ne ik āh-e-sard ko sham-e-sahar ke saath
rūdād-e-nā-tamām kā hāsil banā diyā
ai dil ye sab amīr-e-suḳhan-var kā faiz hai
zarre ko jis ne jauhar-e-qābil banā diyā