mirī raat merā charāġh merī kitāb de

mirā sahrā bāñdh le paañv se mujhe aab de

mire nukta-dāñ tirā fahm apnī misāl hai

maiñ huuñ ek saada savāl koī javāb de

mirī chashm-e-nam kisī ratjage meñ ulajh ga.ī

mirī niiñd oḌh le raat bhar mujhe ḳhvāb de

mire goshvāre meñ kaun bhartā gayā lahū

ai mirī talab mujhe har ghaḌī kā hisāb de

mire bahr o bar ko sameT le mire kūza-gar

mujhe an-kahī mujhe āgahī kā azaab de