kaheñ kis se hamārā kho gayā kyā
kisī ko kyā ki ham ko ho gayā kyā
khulī āñkhoñ nazar aatā nahīñ kuchh
har ik se pūchhtā huuñ vo gayā kyā
mujhe har baat par jhuTlā rahī hai
ye tujh bin zindagī ko ho gayā kyā
udāsī raah kī kuchh kah rahī hai
musāfir rāste meñ kho gayā kyā
ye bastī is qadar sunsān kab thī
dil-e-shorīda thak kar so gayā kyā
chaman-ārā.ī thī jis gul kā sheva
mirī rāhoñ meñ kāñTe bo gayā kyā